Misaka sa 150 ang active cases sa COVID-19 sa probinsya, human sa sunod-sunod nga nadugang sa bag-ong kaso sa miaging adlaw.
Milista ug 26 ka bag-ong kaso sa virus kaniadtong Mayo 3, Mayo 4, 12 ka mga kaso, Mayo 5, 33 ka mga kaso, Mayo 6, 17 ka mga bag-ong kaso ug sa Mayo 7 adunay nalista nga 11 ka bag-ong kaso sa COVID-19.
Gumikan niini mihangyo pagbalik si Misamis Occidental Governor Philip Tan nga kinahanglan magbaton og disiplina ang matag usa para mapakgang kini.
Sa laing bahin maayong balita kay DOH certified facility na ang Project Haven ug 80 ka isolations rooms ang pagaabrihan.
Ang Project Haven Covid Isolation Facility sa probinsya mao ang isa sa pinaka unang isolation facilities sa nasud nga tumong ang pag-accommodate sa mga nasakit sa covid-19 nga luwas.
Samtang, napaabrihan usab pagbalik ang 3 ka operating rooms sa 3 ka hospitals sa probinsya nga nahimutang sa Oroquieta City (MOPH), Tangub City (DMDTH) ug Calamba (CPH).(Sam Tizon)
