Nisaka ug gamay ang kaso sa COVID-19 sa Central Visayas matud sa Department of Health-Central Visayas Center for Health Development.
Base sa datos sa DOH-7 gikan sa Abril 30 hangtod Mayo 6, ning tuiga 207 ka bag-ong kaso ang natala sa Central Visayas.
Samtang ang average nga ihap sa bag-ong kaso matag adlaw karong semanaha anaa sa 31 cases diin mas taas kini og 3 porsyento kung itandi sa mga kaso niadtong Abril 23 hangtod Abril 29, 2023.
Nasayran nga sa 71 ka ICU beds alang sa mga pasyente nga adunay COVID-19, unom niini ang okupado. Samtang, 880 usab ka non-ICU COVID-19 beds ang kasamtangang nagamit.
Padayon usab nga nagpahinumdum ang DOH-7 sa publiko nga mag-amping gihapon batok sa Covid-19 ug ipadayon ang pagsunod sa mga safety health protocols sama sa kanunay nga pagsul-ob ug facemask.//
