Tiwala ang Commission On Elections na magiging payapa ang kampanyahan at araw ng botohan sa Olongapo.
Ito ay dahil tulad nang mga nagdaang halalan sa lungsod ay walang naitalang election related crime ang Comelec at ang PNP.
Ayon kay Olongapo Election Officer Atty. Joie Macam, maliban sa verbal war o patutsadahan sa pagitan ng mga kandidato at mga tagasuporta ay wala nang mas malala pang insidente ang naitatala sa lungsod.
Dahil dito, umaasa ang COMELEC sa Olongapo na mas madaling matatapos ang mga kailangang paghandaan bago gawin ang eleksyon sa Mayo.//Christian Andres-BNFM OLONGAPO
