NAKATUTOK na karon ang Comelec sa pagpangampanya sa mga national candidates, nga nagsugod niadtong Pebrero 8.
Sa GenSan, gipahinumdom ni City Comelec Atty. Sittie Shairmaine Papandayan Garangan, nga gatabang sila sa pag-monitor sa pagtuman sa mga resolusyon sa Comelec sa mga kandidato sa national positions.
Sa mga representante sa mga national candidates, kinahanglan nila nga mukuha og permit sa LGU ug sa ubang aktibidad niini ngadto sa regional Comelec office.
Sa karon tungod sa new normal, daghan ang gibawal nga mga buhaton sa pagpangampanya mao mas giawhag niini nga gamiton ang social media.
Lakip gibawal ang paglamano, paggakus sa kandidato sa mga katawhan ingon man pagpakuha og litrato nga duol kaayo sa usag usa ug pagbawal sa distribution sa ilimnon, pagkaon ug ubang items.
Sa mga rally, meeting ingon man meting de avance, gitugutan ang 50 percent sa venue capacity ug gibawal ang house to house campaigning. Labing importante usab matud ni Atty Papandayan Garangan ang pagtuman sa minimum public health standards sama sa social distancing, pagsuot og face mask aron dili makatampo sa pagkatag sa COVID-19.
