Nag-isyu ang dalawang bangko sa Cayman Islands ng certifications na nagsasabing ang umano’y mga offshore accounts ni Commission on Elections (Comelec) Chairperson George Erwin Garcia ay non-existent.
Ito ang sinabi ni Garcia sa gitna ng isyung may hawak umano siyang offshore bank accounts.
Ayon sa komisyoner, nakipag-ugnayan siya via online sa Scotiabank at Cayman National Bank para malaman kung talagang may bank accounts sa kanilang system na nakapangalan sa kanya.
Sagot ng mismong bangko – wala silang account na nakapangalan sa poll body chief.
Sa panayam naman ng Brigada News FM Manila kay Garcia, sinabi nitong ang impormasyong ito ay ilalahad niya sa press conference bukas.
