LEGAZPI CITY – Kinakamundo kan Commission on Election (COMELEC) Albay na kada satellite registration sa nagkapirang barangay, haros dikit sana an nagpaparehistro.
Sa intrevista kan Brigada News FM Legazpi kay COMELEC Albay Provincial Election Supervisor Atty. Ma. Aurea Bo-Bunao, sinabi kaini na naobserbaran nindang dai pigtatawo an satellite registration sa mga barangay, huli ta nagtatrabaho sa ibang lugar an mga botante.
Pangapodan kaini sa mga barangay na nagpaplanong magkondusir kan nasambit na aktibidad, dapat siyertohon na ipaaram sa mga residente an mapadapit digdi tanganing dai masayang an pagpasiring kan mga opisyal nin COMELEC.
