Nagpatigayun it Coastal Clean Up ro nagkasari-saring ahensya it gobyerno ag mga opisina it LGU Malay kahapon it Sabado, Abril 16, 2022.
Owa it eabot sa pagpanglimpyo sa binit it baybayon, ro nasambit nga aktibidad hay may tinutuyo nga maipaabot sa komunidad ro responsibilidad para mapabilin ro kalimpyo ag kanami it isla.
Kaibahan sa mga nagpatigayun it coastal clean-up hay ro Malay MDRRMO, LGU Securities, Boracay Lifeguards, Philippine National Police, Philippine Coast Guard, Bureau of Fire Protection, PNP Maritime ag 2nd Aklan Police Mobile Force.
Nagpartisipar man sa Coastal Clean Up ro mga tourism frontliners, mga asosasyon, ag mga kooperatiba. / ANN DESLENE SALAZAR
