DISMAYADO ang labaw sa City Population Office kon makadungog og balita nga adunay kinasal unya wala nagdugay nagkabulagay.
Sa paghinabi sa 89.5 Brigada News FM Gensan kay Population Officer Judith Janiola sumala niini nga masulob-on kini sa usa ka kaso nga iyang na-handle nga usa ka tuig lang ug tulo ka bulan human nakasal nagkabulagay na, nakatampo kini sa dugang ihap sa mga nagkabulagay.
Tungod niini ginapakusgan pa sa ilang opisina ang awareness sa relationship ug ang kamahinungdanon sa pagpondar sa pamilya.
Sa panglantaw ni Janiola dili lig-on ang disisyon sa mga magtiayon nga daling magkabulag kay daw susama lang sa kan-un nga kay init giluwa na, mao nga ang bottom line daw sa ilang advocacy karon sa mga kabataan nga magpakasal dapat physically, mentally, emotionally, sexualy and financialy ready.
Tungod niini nagapanawagan si Janiola sa mga may planong magpakasal nga moagi gayod sa hustong seminar aron sabton ang pamaagi alang sa lig-on nga desisyon sa pagpakasal ug naganaug sila bisan sa mga eskwelahan alang sa ilang awareness campaign.
Samtang kabahin sa relasyon ni Moira ug Jason nga trending sumala ni Janiola nga bisan ang mga may edad na ug sikat nga mga tawo dili exempted sa mga hagit sa kaminyuon.
Usa sa iyang panglantaw adunay pagkulang kay Moira sa pakisayod sa strength and weaknes ni Jason sa dihang na inlove og wala na makita ang ubang aspito bag-o nagpakasal.
Tambag ni Janiola nga mas maayong imbestigahan pag-ayo ang mga partner bag-o magpadala sa gibati. I Ver Diazon
