NAGHATAG og pasiunang tubag ang Assistant City Legal Officer kalabot sa gihisgotan nga Special Support Fund alang sa transport coops sa miaging regular session sa konseho.
Sumala kay Atty. Marithes Taniegra, ang Special Support Fund adunay ordinansa nga giduso sa konseho apan naghatag og komento ang taga Commission on Audit mao nga giusab ang ordinansa sa konseho.
Gidugang ni Taniegra nga nagpagawas usab sila og opinyon kalabot mao nga ayuda pinansyal ug ang tuno sa ilang sugyot inay nga donasyon ngadto sa pipila ka grupo himuon nalang nga loan aron nga dili usab malain ang ubang sector nga dili mahatagan og donation kay tanan man apektado sa pandemya.
Gidugang ni Taniegra nga sa Special Support Fund nahimo daw nga konserbatibo ang ilang opinion nga siya ang naghimo tungod nagpahimangno ang COA bahin niini kay ang pondo gikan sa DRRM Fund ug dili daw angayang gamiton sa mao nga katuyoan.
Unang higayon usab daw kini nga naghatag og pahimangno ang COA sa LGU Gensan bisan kon wala pa nagasto ang mao nga pondo mao nga nagpagawas usab sila og opinion. ( Ever Diazon)
