Kapin sa 14 nga mga pamilya ro naduea-an it panimaeay matapos ro natabo nga sunog kaina it aga sa Barangay Culasi, Roxas, City.
Base kay Mayor Ronnie Dadivas mabahoe nga kalisdanan raya sa mga biktima lalo eun gid hay sa katungaan pa gid kita it krisis bangud sa pandemya.
Base man sa alkalde, magata-o it bulig ro city government sa anda. Sa minatuod, ro opisina it CSWD, CHO ag CDRRMO hay inisyal eun nga nagta-o it food packs, nagset-up it soup kitchen, ag nagbutang it mga modular tents para sa mga nasunugan.
Mata-o man sanda sa mga biktima it bulig pinansyal.
Samantala, ginpasalamatan it alkalde ro Bureau of Fire Protection Roxas City, mga volunteer firefighters, Roxas City PNP, ag mga tawo nga nagbulig agud maapula ro kaeayo./JIL B. LACSON
