GIKLARO karon ni Hanna Naanip, PIO sa PhilHealth region-12 nga ang temporary suspension of payments of claims alang lang sa mga health facilities nga kwestyonable ang ilang COVID-19 claims.
Klaro matud pa sa PhilHealth Circular number 2021-0013 nga ang maong circular gipahinungod sa mga health facilities nga subject sa imbestigasyon tungod sa fraudulent acts, unethical acts ug abuse of authority.
Kadtong sakto ang mga claims, ug dili kwestyonable dili usab maapektohan sa circular.
Sa region-12 wala pay mapanganlan nga ospital si Naanip tungod tanan under investigation.
Kadtong kwestyonable nga claims ang ginabalik sa ospital alang sa verification sama sa upcasing asa gihimong severa o critical ang mild cases, filing of claim for ghost patient, overbilling ug recruitment.
Tumong matud pa sa maong circular nga maprotektahan ang kwarta sa mga miyembro.
Samtang kung mapamatud-an nga may fraudulent transactions, mapahamtangan og multa ug pagkabilanggo.
Kahibaluan nga ang maong circular gipagawas Agosto 13 ning tuiga apan giangkon ni Naanip nga may mga claims na usab nga nabayran ang PhilHealth region 12 ngadto sa mga health facilities sa rehiyon.
