Suportado it Commission on Human Rights (CHR) 6 ro Senate Bill No. 2209 o ro Anti-Online Sexual Abuse and Exploitation of Children (OSAEC) bill.
Tuyo it nasambitan nga resolusyon nga mataw-an it proteksyon ro mga menor de edad kuntra sa sexual abuse ag exploitation sa maeain-eain nga social media platforms.
Base sa report it Department of Justice (DOJ), nagtaas it 264% ro kaso it online sexual exploitation sa mga kabataan sa nasyun.
Baseman sa Office of Cybercrime (OOC), naka-record it 279,166 nga mga kaso it Missing and Exploited Children sa una nga lima ka buean it makarang dag-on kumpara sa 76,561 nga nareport sa kaparehong period ku nagtaliwan nga dag-on.
Sa pahayag it CHR- VI, dapat taw-an it proteksyon ag manami nga opurtunidad ro mga kabataan agud matamasa nanda ro andang kinamatarong bilang sangka ndibidwal./JIL B. LACSON
