Gipa-alerto sa City Health Office sa Cagayan de Oro ang katawhan batok sa Omicron nga bag-ong variant sa Coronavirus Disease 2019.
Gibutyag ni CHO Medical Officer Dr. Ted Yu Jr., nga kinahanglan pahimuslan na sa katawhan ang libreng bakuna ug sundon ang minimum public health standards tungod nagpabilin pa gihapon ang virus.
Gipasabot sab niini nga ang Omicron variant napulo ka higayon nga mag-mutate tandi sa Delta nga anaa sa tulo ngadto sa upat ka higayon.
Dugang ni Dr. Yu nga magpa-abot sila sa dugang abiso gikan sa Department of Health diin ang mga eksperto karon gitun-an na ang epekto sa maong variant.
Kahibaloan nga ang Omicron variant unang na-detect sa South African diin pipila nasab ka mga nasod ang mikompirma nga nasudlan na sila sa maong variant. -END-(Claudine)
