LEGAZPI CITY – Nakatalaang ikondusir sa masunod na semana an ceremonial unveiling kan important cultural property marker kan St. John The Baptist Church sa Camalig, Albay.
Sa maabot na Hunyo 24 an eksaktong aldaw kan seremonya kun sain magkakaigwa ki banal na misa na pangengenotan ni Obispo Joel Z. Baylon kairiba an mga padi kan Diocese of Legazpi.
Ini komo pagpapahiling kan importansya sa historical significance kan Camalig Church asin an nagin papel kaini nganing madesignar an banwaan komo heritage town.
