NAKADAWAT ug memorandum sa National Meat Inspection, ang buhatan sa City Economic Enterprise Development Office (CEEDO) nga giisyu ni Dr. Angelita Barcelona ang Regional Director sa Region 10.
Matud sa City Government Dept. Head -1, CEEDO nga si Roy G. Udal, ang mga memorandum nga nadawat, mahitungod sa pagbutang og wheel bath (ligid) o mga spray sa ganghaan sa pagsulud aron mapadali ang pagdisimpeksyon.
Dugang pa, nga ang tanan nga mga hayop nga gidala sa ihawanan obligado nga adunay orihinal og balido ang kopya sa dokumento ug sa transportasyon niini, ug hugot nga gipatuman ang “No Veterinary Health Certificate (VHC) sa ihawanan sa mga karne.
Samtang, ginadiling gamiton ang holding pen alang sa katuyoan sa stocking og ingon man ang holding area nga kuptan ang mga buhing hayop sa pagbaligya, o wala’y hayop nga ihawon ang itago sa tangkalan og mo lapas sa sobra sa 24 oras, gikan sa oras nga pag-abot sa meat-site “All in All out policy” dapat nga ipatuman. (Sam Tizon)
