Nakabaton sang pagpasidungog gikan sa Sangguniang Panlalawigan ang isa ka Capiznon nga nagtapos bilang Top 5 sa Philippine Military Academy (PMA) Sinag Class of 2024 sang tinalikdan nga Hunyo 10.
Nahibaluan, si CDT 1CL Rosemel Dogello, 22-anyos nga tumandok sang Brgy. Jaena Norte, Jamindan ang labing-una nga babaye nga nag-Cum Laude sa PMA. Suno kay Dogello, iya nangin inspirasyon ang iya amay nga isa man ka katapo sang militar kag nagapasalamat siya sa iya pamilya kag sa mga tawo nga nagasuporta sa iya.
Malipayon naman ang iloy sini nga si Rosemarie Dogello sa kadalag-an nga nalab-ot sang iya anak. | Judy Ann Juare
