Malipayon ang 1,548 ka scholars gikan sa Segundo Distrito sang Capiz matapos ila nabaton ang educational assistance halin gobyerno probinsyal sa idalum sang Comprehensive Assistance Program for Identified Scholars ukon CAPIS.
Kapin 135 ka mga estudyante nagikan sa Cuartero; 153 sa Dao; 156 sa Dumalag; 131 sa Ivisan; 78 sa Jamindan; 277 sa Mambusao; 137 sa Sapian; 213 sa Sigma kag 138 naman ang halin sa Banwa sang Tapaz.
Ginpangunahan ni Governor Fredenil Castro ang nasambit nga distribusyon kaupod ang pila ka mga opisyales sa probinsya kag sa mga kabanhawanan.
Sa mensahe sang gobernador, ginpahayag sini ngasa masunod nga tuig lauman nga mangin pareho na ang mabaton sang tanan nga mga scholars nga naga-eskwela sa pampubliko o pribado nga buluthoan kag ginaduso sang opisyal nga madugangan ang nabaton sang mga naga-eskwela sa public schools and universities.
Katuyuan sang amo nga programa para mabuligan ang mga estudyante sa probinsya pinaagi sa paghatag sa ila sang bulig pinansyal. | Ken Mark Gicalde
