NAGA CITY- 78 ang aktibong kasong COVID-19 sa Camarines Sur bago pumasok ang weekend, may dalawa namang nasawi base sa record ng Environment Disaster Management and Emergency Response Office o EDMERO.
Sa kasalukuyan 18, 561 na ang cumulative cases mula 2020; 17, 624 dito ang gumaling habang 859 naman ang nasawi.
Huli sa mga ito ang namatay noong Nov. 7, residente ng Del Rosario Iriga City at noong Nov. 8 residente naman ng Libod II, Libmanan.
Halos balik normal man ang lahat , hindi man naniniwala sa COVID-19 ang iba at may takot sa bakuna hindi napapatid ang kampanya ng Department of Health (DOH) halimbawa sa mga batang edad 5-11 anyos. Ayon kay CamSur DOH Officer Dr. Rey Millena, ngayong hindi pa na-ze-zero ang kaso sa probinsya mainam na mag proteskyon.
