Magauli it P30 million nga balor it mga fisheries livelihood projects ro banwa it Caluya sa probinsya it Antique.
Raya hay matapos nga ideklara bilang Grand Winner it 2021 Malinis at Masaganang Karagatan (MMK) makarun nga adlaw, Nobyembre 22, 2022 sa Luxent Hotel, Quezon City.
Ginapabugae it Caluya ro andang manggaranon nga ecosystem sa nasyun bangud sa andang maeapad nga coral reef, seagrass bed ag kaeawran.
Ginpirde it Caluya ro ap-at pang local government unit (LGU) national finalists.
Raya hay ro banwa it Padre Burgos sa Southern Leyte nga nagpangaywa ag ro Sagnay sa Camarines Sur nga nagpwestu sa pangatlo nga nakabatun it P18 million ag P10 million sa fisheries livelihood programs.
Ro Balanga, Bataan, ag Cantillan, Surigao del Sur ro mga runner-ups.
Ro MMK hay sangka national search para sa best coastal municipalities ag pagtao it pasidungog sa andang pinasahe nga inisyatibo ag kadaeag-an sa pagpamuno it coastal ag fisheries resource management ag pagdokumento sa best practices ag stratehiya. / ANN DESLENE SALAZAR
