BURUANGA, AKLAN – Sangka residente halin sa Brgy. Santander, Buruanga, Aklan ro boluntaryong ginsurender ro anang armas sa 4th Maneuver Platoon sa pagpamuno ni PCPT Edward O Bolivar.
Ro nasambit nga armas hay sangka caliber .38 revolver nga may 3 ka bala ag owa it markings.
Insigida man raya nga gin-turn over sa Buruanga Municipal Police Station para sa documentation ag dinaea sa Supply PNCO it 2nd Aklan Provincial Mobile Force Company (PMFC) para sa nagakaigu nga disposisyon.
Ro pagsurender it nasambit nga armas hay kaparte gihapon it kampanya it Tokhang Kontra Armas Luthang (TKAL). // ANN DESLENE SALAZAR
