Nakatala og pagkunhod sa ihap sa byahe sa mga bus ang Davao City Overland Transport Terminal (DCOTT) sukad gihugtan og balik ang border controls sa rehiyon.
Sumala kang DCOTT head Aisa Usop, gumikan sa implementasyon sa negative reverse transcription-polymerase chain reaction test sa mga NON-APOR travellers niubos ang biyahe ingon usab ang mga pasahero nga musakay o magbyahe tungod mahadlok pangitaan og mga dokumento.
Usa sa mga byahe nga dunay pagkonhud ang Davao City-Cagayan de Oro route kung asa ang mga pasahero nga moagi sa Marilog District ang hugatanong iinspeksyon.
Ang Marilog District mao ang primary entry point sa mga naggikan sa Cagayan de Oro City ug ubang bahin sa Northern Mindanao gawas pa sa Arakan, North Cotabato sa Soccsksargen.
Sukad usab nibalik ang operasyon sa DCOTT niadtong Hunyo 2020 abli na ang pasilidad dili lamang sa rehiyon apan lakip na sa mga kasikbit nga rehiyon ug giablihan na usab ang bus routes gikan sa Luzon ug Visayas sama sa Ormoc sa Leyte, ug Pasay sa Manila.
Tungod niini nikunhod usab ang income sa pasilidad sanglit nagdesisyon ang Philtranco nga dunay byaheng Pasay ug Davao City ang ag maglusad na lamang og first ug last stop sa Tagum City.
