Gikumpirma ni Kapitan Benjamin Badon sa Brgy. Matina Pangi nga anaa sa upat hangtod sa lima ka mga indibidwal ang sakay sa duha ka mga Van ang misulay sa pagkuha unta ni Dennis Panzan napulo ka minutos human nga miabot si Panzan sa nasangpit nga lugar.
Sa pakighinabi sa Brigada News team kang Kap Badon, gibutyag niini nga wala niya gihatag si Panzan sa nasangpit nga mga lalaki ug iyang giingnan nga paaboton na lamang ang gingsakpan sa Talomo Police Station nga maoy mukuha kang Panzan.
Wala na hinoon sumala pa namugos ang mga nahigsutan nga nagkalapok pa ang mga tiil.
Kahinumdoman nga gibasol si Kap Badon sa iyang mga gingsakpan sa nahitabo kang Dennis, apan gipasabot niini atol sa flag ceremony kagahapon nga iya lamang gisunod ang protocol diin sa otoridad iturn over si Dennis.
Dugang pa ni Cap, nga sukad sa iyang paglingkod isip amahan sa ilang Brgy. karon lang sab siya nakadawat og sama niadtong kaso.
Aminado sab si Kap Badon nga nalooy siya kang Dennis labi pa sa pag ingon niini nga gusto pa siyang mabuhi.
Kasamtanga, makatulog na og dyutay si Kap Badon labi pa nga nakabalik na si Rodrigo Cadungog nga maoy unang nakakita kang Panzan, human kini nawala.
