Mas mangin mahapos na para sa mga pumuluyo sang Brgy. Pasol-o, Jamindan, nga makakuha sang serbisyong medikal bangud natalana nga pagatindugan sang Health Station ang nasambitan nga barangay.
Pila sa mga pasilidad nga igalakip sa proyekto amo ang examination room, midwife’s office, business area, pantry area kag comfort room.
Ang sambitan nga health station ang nagabalor sang kapin P1,750,000 sa idalom sang DOH- Health Facilities Enhancement Program.| Frances Joy Preciosa
