Ginkilaea ro mga sikat nga isla it Palawan ag Boracay bilang kaeakip sa mga island destination sa Asya nga pirme ginabisitahan it mga turista, base sa sangka travel website nga nakabase sa India.
Base sa TimesTravel of The Times of India, ginkilaea ro Palawan ag Boracay bilang kaeakip sa “8 Most Visited Island Destination in Asia,” base sa sangka artikulo nga gin-publish sa andang website ku Agosto 7.
Ro isla it Boracay ro nag pang ap-at sa listahan nga kilaea sa pagtanyag it nagkasari-sari nga water sports ag activities, makolor nga nightlife ag maabung pili-an nga mga kaean-an, kaeakip eon ro White Beach kara bilang “most popular spot” bangud sa anang powdery white sand.
Naga panguna gihapon ro Bali sa Indonesia sa TimesTravel’s list, sinundan it Phuket sa Thailand, Palawan, Boracay, Maldives, Langkawi sa Malaysia, Havelock Island sa India ag Jeju Island sa South Korea. // ANN DESLENE SALAZAR
