Naagapan ng Bureau of Customs Port of Subic ang pagpasok ng misdeclared agricultural products.
Ito ay matapos makatanggap ng impormasyon ang ahensya tungkol dito kaya nag-isyu ng Pre-Lodgment Control Orders at Alert Orders laban sa labinlimang 40-footer container van shipments na umanoy naglalaman ng mga frozen lobster balls at surimi crab.
Sa isinagawang physical examination ay nakitang naglalaman umano ang mga shipment ng iba’t ibang fresh vegetables tulad ng patatas, carrots at broccoli.
Samantala, ang mga produkto ay isasailalim umano sa seizure and forfeiture proceedings alinsunod sa paglabag sa Customs Modernization and Tariff Act.//Jen Bayot-BNFM OLONGAPO
PHOTO: BOC-Port of Subic
