Lumobo pa sa mahigit dalawang libo ang bilang ng mga napatay sa pinakamalakas na lindol sa Morocco na magnitude 6.8.
Sa huling datos – naitala na sa 2,100 ang kumpirmadong death toll at inaasahang tataas pa habang nagpapatuloy ang rescue operations.
Sa ngayon, wala pa ring Pilipinong kumpirmadong nadamay sa pagyanig.
Sa kabila niyan, una nang tiniyak ng Department of Migrant Workers (DMW) ang tulong sa mga overseas Filipinos doon na apektado ng sakuna.
Tinatayang aabot sa humigit-kumulang 4,600 ang bilang ng mga Pilipino doon.
