LEGAZPI CITY – Nangengenot an Bicol Region sa promosyon kan industriya nin Halal sa bilog na Pilipinas dawa pa bako ini Muslim region.
Ini an pigkumpirmar ni Department of Trade and Indsutry Bicol Regional Director Dindo Nabol sa tahaw kan isinagibong Halal-Friendly Philippines program launching na may obhetong mapalangkaw pa ang halal na produkto asin serbisyo sa rehiyon huli ta sa paagi kan programa piglalaoman na mas magigin madali an pagsairarom kan sertipikasyon kan mga siring na produkto.
Saiya pang pigheras na ngunyan na taon, igwa an ahensyang pigtatarget na 20 micro, small and medium enterprises sa rehiyon na magin halal-certified mantang dagos-dagos man an saindang mas pinakusog na promotsyon kan naunambitang industriya asin pag-enganyar sa mga kumpanya o establisyimento na magpa certify na.
Mientrastanto, sa kaparehong aktibidad nagkaugwa ki product showcase kasabay na kan pagsapubliko kan opisyal na logo kan Halal-friendly Philippines Bicol region.
