BICOL – PADAGOS na nag aapelar ngunyan an Department of Health O DOH-Bicol sa mga Bicolano na aprubitsaran an nagpapatuloy na vaccination roll-out sa rehiyon asin magpabakuna na.
Kasunod ini kan ipinaluwas na bagong datus kan National Vaccination Operations Center (NVO) kun saen nagluluwas na ikapito an Bicol sa ranking kan mga rehiyon sa nacion na igwang halangkaw pang bilang nin mga dai pa nababakunahan kontra covid-19.
Base sa record kan Philippine Statistic Authority o PSA, igwang estimated na populasyon an Bicol na nag aabot sa 6,248,843 kun saen 5,040,943 digdi an target na mabakunahan.
Hasta matapos an bulan nin Marso ngunyan na taon, nasa 3,601,722 na mga indibidwal na soboot an nakaresibe nan in at least sarong dose nin covid-19 vaccine o kabaing nin 71.45% kan target population.
Mantang 3,258,106 o 64.63% soboot an fully vaccinated na asin nananatili namang nagtitiner man na hababa an saindang booster shots o kabaing pa sana nin 6.15% kan kabilugan na target.
Igwa man nin maabot sa 1,439,221 na mga Bicolano dai pa nakakaresibe nin dawa sarong dose nin bakuna.
Mantang laog sa top 3 an Region 7 o an Central Visayas na nasa ikatlong pwesto, ikaduwa an BARMM mantang nagengenot sa ranking an CALABARZON na igwa pang labi 2.8 million na mga unvaccinated individuals.
