HUMAN sa mga nagakahitabo nga sunog sa General Santos City, hugot karon nagpahimangno ang mga personahe sa Bureau of Fire Protection kon BFP sa publiko nga magbinantayon kanunay aron mslikay sa sunog. Matud pa sa impormasyon sa buhatan importante ang kanunay nga pagmonitor sa linya sa mga kurente aron masigurung dili kini ang mahimong tinubdan sa sunog.
Samtang likayan sumala pa nga magbilin og kalayo sulod sa panimalay sama sa nakasindi nga kandila, o kaha mga nilung-ag.
Nasayran nga bulan sa Enero aduna sab nahitabong sunog sa Carcon Village, Barangay Lagao gisundan sa sunog sa Purok Lower Puting Bato, Barangay Calumpang ug sa Purok San Juan, Silway Dadiangas West ug sa nag-unang duha ka Barangay kasagaran hinungdan sa sunog ang napasagdaan nga kalayo sulod sa panimalay.
Padayon sab ang kampanya sa BFP batok sunog karong bulan sa Marso nga gikonsiderang Fire prevention month. I Enamie Mogpon
