Bumisita si Bataan Gov. Joet Garcia sa China nakalipas na April 27 hanggang 30 kasama si Cong. Abet Garcia at League of Municipalities of the Philippines (LMP)-Bataan Chapter President Tony Pep Raymundo.
Kabilang sa kanilang mga binisita ay ang planta ng Guangxi Shenglong Metallurgical Co. Ltd na gumagawa ng iba’t-ibang produktong bakal.
Naobserbahan umano ng mga opisyal ang maayos na sistema sa transportasyon at mga imprastraktura tulad ng malalawak na daan na nakatutulong sa mabilis na pag-unlad ng ekonomiya ng bansa.
Kaugnay nito, inaasahan ng gobernador na kapag natapos ang Bataan-Cavite Interlink Bridge ay makatutulong ito nang malaki para sa maraming oportunidad sa kabuhayan, trabaho, turismo at iba pang mga proyektong pang-ekonomiya.
Sa kanilang pagtungo sa China, ay inalam ng mga ito ang iba’t ibang best practices ng mga kompanya doon.//Jen Bayot-BNFM OLONGAPO
PHOTO: Gov. Joet Garcia
