GIHINAY-HINAYAN na og bayad sa General Santos City Police Office (GSCPO) ang P8 milyon nga utang sa electric bills sa South Cotabato Electric Cooperative (SOCOTECO II) nga misaka sulod sa pipila katuig.
Matud ni PCol. Jomar Alexis Yap, acting city police director sa GSCPO nasayod sa problema sa bayronon sa kuryente.
Rason sa pagmandu niya sa hinay-hinay nga pagbayad niini pinaagi sa pagkaltas sa ilang Maintenance and Other Operating Expenses (MOOE).
Una nang, gibutyag sa nakalabay’ng administrasyon sa LGU-GenSan nga tabangan nila ang GSCPO sa pagbayad sa electric bills.
Kahibaloan nga giangkon sa kaniadto GSCPO police director nga si Col. Gilberto Tuzon ang maong problema sa konseho.
Gibutyag ni Tuzon nga ang problema ang gipasa kaniya sa kanhi GSCPO police director Colonel Aden Lagradante nga namana usab ni Lagradante sa mga gisundan niya ang problema.
Ang LGU atong 2021 ang una nang nagsaad og P4 milyon inisyal nga tabang sa GSCPO alang sa maong problema.
