Pinangunahan ng Department of Social Welfare and Development (DSWD) ang pagpirma sa rules and regulations (IRR) ng Republic Act (RA) 11596, o ang “An Act Prohibiting the Practice of Child Marriage.”
Sa mensaheng ipinadala ni DSWD Secretary Erwin Tulfo, siniguro nitong na ang paglagda sa naturang batas ay magbibigay ng laban sa mga bata mula sa mga taong nagpaplano at nagiging dahilan ng pagkakaroon ng child marriage.
Ayon kay Tulfo, sisiguruhin nila na maprotektahan ang bawat batang Pilipino, at matigil ang anumang uri ng kasal na sangkot ang bata o menor de edad.
Paliwanag ng DSWD, pinagtitibay ng estado na ang pagpapakasal ay nangangailangan ng full consent ng magkabilang panig, at ang pagkakasal sa bata ay mawawalan ng legal na bisa. //MHEL PACIA
