Aktibong nagpartisipar ro local government it Malay pinaagi sa Malay Municipal Tourism Office, sa Central Philippines Tourism Expo (CPTEx) umpisa it Hulyo 19-21, 2024 sa Puerto Princesa, Palawan.
Makita sa nasambit nga tourism expo ro partisipasyon it an-um ka sari-saring rehiyon sa Pilipinas, kung siin, ginapabugae it LGU-Malay ro andang partisipasyon sa DOT-VI Western Visayas booth sa pagpamuno ni Regional Director Crisanta Marlene P. Rodriguez.
Iga-showcase it banwang Malay ro makolor nga produkto it andang turismo, selebrasyon ag mga manaming destinasyon sa Malay partikular ro isla it Boracay. // ANN DESLENE SALAZAR
