Gin aprubahan eon it Sangguniang Bayan it Kalibo ro resolusyon nga nagapakita it interes para sa sisterhood pact.
Raya hay kaparte it pagpahaum it Kalibo sa tinutuyo nga makahimo it kasugtanan kaangot sa sisterhood sa syudad it Iloilo.
Ginakabig eon it mga Kalibonhon nga ikaywang panimaeay ro syudad bangud sa sentro ro Iloilo it Education, Administrative ag Cultural aspect sa Panay Island.
Pila sa mga benepisyo nga mabuoe it banwa it Kalibo kung maging sister city pact eon ro daywa ka local government units hay ro mga best practices kaparehu it digitalization it LGU Iloilo, MDRRMO Response, Heritage and Cultural Preservation sa aspeto it turismo ag maabu pang iba. / ANN DESLENE SALAZAR
