Naging madinaeag-on ru BAESA PARADA sa besperas it kapiestahan it Patron nga si St. Catherine of Alexandria sa banwang Libacao kahapon.
Makit-an nga nag-agi ru baesa nga puno it display it mga produkto partikualr ru saging, kamote, eanot ag iba pa halin sa 24 ka mga barangay nga gin asistihan it pilang ka mga empleyado it LGU-Libacao.
Makabig nga river channel it Aklan River ru municipalidad it Libacao bangud sa naga dagsa nga tubi halin sa Barangay Dalagsaan, ru pinaka maeayo nga barrio sa nasambit nga municipalidad sa nabagatnan nga parte it Aklan.//MARIVIC Y. ILIN
