Gina bana-banang naga-abot sa P375K ru damaged nga hatud it 2 storey residential house nga himo sa concrete materials sa Roxas Ave. Kalibo, Aklan kabie.
Raya hay base sa initial nga imbistigasyon it Bureau of Fire Protection (BFP)-Kalibo.
Gina panag-iyahan ru nasunog nga baeay ni Mr. Rene Yap, 82 anyos, ag residente it nasambit nga lugar.
Suno kana, daywa eamang sanda ku anang asawa nga naga estar sa panimaeay ag ma serte nga naisalbar.
Napan-uhan sigun ni Mr. Rene Yap nga nag-umpisa ru kaeayo sa maisot eamang nga portion sa sueod it andan gpanimaeay ag gulping nag -abo kat mag-ihi imaw sa aeang-aeang nga oras kaina’t aga-aga.
Nag-umpisa sigun ru pagdabdab it kaeayo ag gina patihan nga halin sa wiring it koryente.
Samtang, padayon pa nga gina imbisitgahan it mga orotidad ru natabong sunog.//MARIVIC Y. ILIN
