Naninahan ro sangka babaye matapos raya nga bunaeon sa ueo it lato-lato it anang kainuman sa Oyo Torong St., Kalibo.
Natabo ro insidente ku Hunyo 19 bandang alas 7 it gabii.
Ginkilaea ro complainant nga si Rowena Gaspar 44yo samtang ro ginaturo nga suspek hay si Jonaliz Cabiao ag parehung residente sa lugar.
Sa report, naga inuman ro daywa kat gulping nakaangkon it diskusyon sa tunga nanda ag hinaboy it baeas ro complainant.
Mapaeapit pa segun kunta ro biktima para makipag istorya pero nakabuoe it lato-lato ro suspek ag ginsampok sa ueo ni Gaspar.
Gindaea man sa ospital si Gaspar samtang ro kaso hay gin-refer sa barangay justice it Poblacion Kalibo. // ANN DESLENE SALAZAR
