Dapat na raw itigil ni dating presidential spokesperson Harry Roque ang pagpe-‘play victim’.
Ito ang tugon ni House Committee on Dangerous Drugs chair Rep. Robert Ace Barbers matapos pumalag si Roque sa ginawang pagpapa-cite-in-contempt laban sa kaniya, dahilan para tawagin niyang ‘kangaroo court’ ang Quad Comm.
Sabi pa ni Barbers, nakapagtataka raw na nagagalit si Roque sa pagpapa-aresto sa kaniya, gayong dati naman, siya rin ang unang pumalag kay former senator Leila de Lima noong siya naman ang sumalang sa imbestigasyon ng kamara.
Dagdag pa ng Kongresista – tila’y nagha-‘hallucinate’ na si Roque lalo na nang sabihin nitong mayroon nang istorya ang Quad Comm bago pa man matapos ang kanilang imbestigasyon.
Sinabi kasi ni Roque na parang ‘guilty until proven innocent’ na sila, at ang mga Duterte, sa mga isyu ng EJK, droga, at POGO.
