Ku Oktubre 6, 2023, nagbuylog ro Malay PNP sa Association of Tourism Officers of the Philippines sa andang green advocacy pinaagi it pagpatigayun it coastal clean-up sa white long beach it isla it Boracay.
Ro andang ginlimpyuhan hay ro front beach area nga ginpartisiparan it Malay PNP Personnel ag iba pang stakeholders.
Ro Association of Tourism Officers of the Philippines o ATOP hay presenting nagapatigayun it 24th National Convention sa isla.
Tinutuyo it nasambit nga aktibidad nga ma-promote ro waste reduction ag magkrear it public awareness kaangot sa waste management ag environmental concerns ag pagtaguyod sa outdoor recreational activities it komunidad kaangot sa PNP’s Environmental Projects. // ANN DESLENE SALAZAR
