BNFM BICOL– Nakatakdang magkaroon ng pagpupulong ang pamunuan ng Albay Power and Energy Corporation o APEC at ang Commission on Election o COMELEC-Albay sa mga susunod na araw.
Ito ay upang talakayin ang mga karampatang hakbang at preparasyon para matiyak na hindi magkakaroon ng anumang aberya sa suplay ng kuryente sa mismong araw ng Halalan ngayong May 9, 2022.
Sa pakikipagtulungan ng COMELEC, isasagawa ng APEC ang pag inspeksyon sa mga kawad at linya ng kuryente sa mga itatalagang voting centers sa probinsya, gayundin ang assessment sa mga substation, voltage, hotspot checking, pag standardize ng mga transformers at iba pa.
Matatandaang una na ring inihayag ng Department of Energy (DOE) na nakikipag ugnayan na ang kanilang ahensya sa Energy Regulatory Commission, at iba pang electric power industry stakeholders para matiyak ang sapat na suplay ng kuryente ngayong summer season lalo na sa darating na eleksyon.###
