Nakapahaom eun ro 18 ka mga kabanwahan sa probinsiya it Antique para sa tatlo ka adlaw nga national vaccination drive kuntra sa COVID-19 virus nga maga-umpisa makarang adlaw, Nobyembre 29 hasta Disyembre 1.
Tuyo it lokal nga gobyerno nga mabakunahan ro 38,405 residente kada adlaw sa sueod it tatlong adlaw.
Base sa kumpirmasyon ni Antique Provincial Health Officer Dr. Ric Noel Naciongayo, may 28 vaccination sites sa probinsiya. Kaeakip dikara ro mga district hospital, eskwelahan, ag mga municipal covered gym.
Ro pagbakuna hay pangunahan it mga vaccination teams it provincial ag municipal government units, Antique Medical Society, Antique Pediatric Society, ag mga volunteers halin sa mga pribado nga organisasyon.
Dugang pa ni Naciongayo, may ensakto nga supply it bakuna ro Antique halin sa Department of Health (DOH).
Target nga mabakunahan it provincial government ro 432,452 ka mga residente./JIL B. LACSON
