Dakpan sa gikasang manhunt charlie operation sa mga sakop sa Los Amigos Police Station ang usa ka lalaki kagahapong adlawa, Oktubre 16, 2023 sa Brgy. Los Amigos, Tugbok District ning syudad.
Giila ni PMaj Marc Culaste, Acting Station Commander ang dinakpan nga si alyas Sonny nga residente sa nahisgutang lugar ug lakip sa mga wanted person sa rehiyon onse.
Malampusong nasikop ang suspek pinasikad sa warrant of arrest sa kasong Qualified Theft nga dunay girekomendang pyansa nga Php 24,000.00.
Balhog na karon ang maong suspek sa Los Amigos Police Station.
Samtang mas naningkamot pa karon ang Police Regional Office 11 aron dakpon ang tanang wanted person sa rehiyon onse.
