LEGAZPI CITY – Kaibahan an probinsya kan Albay sa mga binistong fully compliant province sa Bicol Region para sa 23rd Gawad Kalasag Seal and Special Awards for Excellence in Disaster Risk Reduction and Management and Humanitarian Assistance.
Basado ini sa datos na iniluwas kan Office of the Civil Defense head office.
Sa kaparehong datos, an Camarines Norte an kasabay kan Albay sa fully compliant province sa nasambit na pagbisto.
Mientrastanto, binisto man an nagkapirang mga lugar sa Bicol bilang beyond compliant partikularmente an mga siyudad kan Legazpi, Tabaco, asin Ligao, banwaan kan Camalig, Albay, Iriga City, banwaan kan Pasacao sa Camarines Sur, Bulan asin Bulusan sa Sorsogon.
Mantang beyond compliant provinces an Camarines Sur, Masbate, asin Sorsogon.
