LEGAZPI CITY – Pigheras kan Albay Provincial Health Office (PHO) an pitong healthy habits para maataman nin tama asin mamantenir an marhay na salud.
Segun kay Kristin Renee Palacio-Miranda, Health Education and Promotion Officer asin Provincial Peace and Order Council-Provincial Anti-Drug Abuse Council (PPOC-PADAC) Focal, importante subuot na tandaan an tamang pag-ataman kan lawas asin salud sa paagi kan pitong healthy habits para makua an holistic health.
Kaibahan sa pitong health habits an pag-iro asin pagkaon nin tama, pagigin malinig sa lawas asin pagiging masinop sa kapalibotan, pagpapabakuna, dai pag inom nin mga arak, pagsigarilyo asin vape, orog na an pagtana asin paggamit kan mga ilegal na droga.
Sinabi pa ni Miranda na importantehon subuot na maataman an lawas sa paagi kan pag-ataman sa reproductive asin sexual health, asin maging an pag-ataman sa kapalibotan dahil iyo subuot ini an tulay sa marhay na salud.
