LEGAZPI CITY – Pig-enganyar ni Albay 3rd District Congressman Fernando “Didi” Cabredo an mga residente na magpartisipar sa pagtatanom nganing mapalangkaw pa an food production asin masiyerto an food security sa lugar.
Binisita ni Cabredo an Joross farm sa Brgy. Tinampo sa syudad kan Ligao asin naugma an kongresista na dakul an nag-aaprubetsar sa mga kurso na may kinaaraman sa agriculture.
Ini su buot dakulang tabang nganing makanuod nin modernong impormasyon manungod sa agrikultura.
Huli digdi, pig-enganyar ni Cabredo an mga residentes hale sa manlain-lain na munisipyo kan terser distrito na mag-imbwelto sa pagtanom huli ta nobenta porsyento kan ekonomiya an konektado asin nakadepende sa agrikultura.
