Nagsurrender sa Balete MPS ru akusado sa pagpamaril sa isla it Boracay kahapon, October 20.
Sa report, sangka 36 anyos ru akusdo nga nagsurrender matapos sirbihan it warrant of arrest it Balete MPS Tracker Team.
Gin paguwa ru warrant of arrest ni Honorable Montalid Jr. Polines Patnubay, Presiding Judge ng RTC 6th Judicial Region Branch 9, Kalibo, Aklan.
Naga pangatubang it kasong Homicide sa idaeom it Revised Penal Code Article 249, Criminal Case Number 16583 ru akusado.
Naga balor it P120,000 ru gin rekomendang piyansa it korte para sa temporaryong kahilwayan.
Kun matandaan, natabo ru pag pamaril sa isla it Boracay ku nagtaliwna pang Nobyembre 16, 2022.
Kulong sa makaronru akusado sa Balete MPS ag naka taeanang iga turn-over sa korte nga natungdan.//MARIVIC Y. ILIN
