Aklanon bronze medalist sa Muay Thai sa SEA Games sa Vietnam, pagataw-an it pagkilaea it SP Aklan

Magiging bisita sa 149^th Regular Session of the 18^th Sangguniang Panlalawigan ro Aklanon nga nakabuoe it bronze medal sa kakatapos nga 31^st SEA Games sa Hanoi Vietnam.

Igatao it SP Aklan kay Fritz Aldin Carnaje Biagtan, Muaythai MMA Trainer/ Fighter, nga taga Brgy. Camanci, Batan, Aklan ro Resolution of Commendation o pagkilaea kana bangud sa anang naitao nga dungog sa nasyun partikular sa mga Aklanon.

Si Fritz Aldin Carnaje Biagtan hay kabahin sa Team Philippines Men’s Combat 80kgs class of Muay Thai Competition.

Ro Muay Thai, hay ginatumod man bilang Thai boxing, sangka martial art ag combat sport nga nagagamit it stand-up striking kaeakip eon ro sari-saring mga clinching technique. / ANN DESLENE SALAZAR

BNFM Kalibo