Inihahanda na ng Armed Forces of the Philippines (AFP) ang 33-man response team na idedeploy para tumulong sa search and rescue (SAR) operations sa Turkey, kasunod ng magnitude 7.8 na lindol na tumama doon noong Feb. 6.
Ang team ay binubuo ng 21 Philippine Army (PA) personnel at 12 Philippine Air Force (PAF) servicemen.
Ayon kay General Andres Centino, AFP Chief of Staff, na ang ilang mga miyembro ng rescue team ay ipinadala sa relief mission sa Leyte nang manalasa ang Typhoon Odette noong nakaraang taon.
Giit ni Centino, lahat ng mga ito ay trained sa search and rescue operations.
Ang naturang team ay bahagi sa 85-man contingency na tinawag ni President Ferdinand Marcos Jr. na magsasagawa ng search, rescue, at relief missions sa Turkey.
Samantala, ang ibang mga miyembro ng contingency ay manggagaling sa Office of Civil Defense (OCD), Department of Health (DOH), at Metropolitan Manila Development Authority (MMDA), na nakatkadang umalis ngayong araw.
