Wala pa ring impormasyon ang Armed Forces of the Philippines (AFP) kung may katotohanan ba na may isang sundalong Pilipino na nasugatan sa pinakahuling resupply mission sa Ayungin Shoal.
Ito’y matapos ang napabalitang banggaan ng barko ng Pilipinas at China na nai-report ng Chinese Media.
Ayon kay AFP Public Affairs Office Chief Col. Xerxes Trinidad, kumukuha pa sila ng detalye sa naturang report.
Samantala, humingi rin ng reaksyon ang Brigada News Fm Manila kay AFP Spokesperson Col. Francel Padilla – pero hanggang sa mga oras na ito ay wala pa rin silang kumpirmasyon.
Nabatid na base sa lumabas na impormasyon, inilarawan na nagtamo umano ng severe injury ang sundalo at kinailangan pa ng medical evacuation sa lugar.
