KORONADAL CITY — NAKATANGGAP ng mga death threats ang abogadong pinagbabaril – patay sa bayan ng Surallah, South Cotabato, Miyerkules ng gabi.
Sa panayam ng Brigada News FM Koronadal kay Police Major Romy Castanares, hepe ng Surallah PNP, isa sa kanilang mga tinututukan sa ngayon ang mga kasong hinahawakan ng nasabing abogado.
Maliban dito, tinututukan din umano nila ang iba pang anggulo sa krimen.
Tatlo umano ang mga suspek sa pamamaril na sakay ng motorsiklo at nagpanggap na kliyente.
Kalibre 45 na baril ang ginamit sa pamamaril sa naturang abogado na nagtamo ng mga sugat sa ulo, kamay at iba pang bahagi ng kanyang katawan.
